Ангеловски: Група што треба да се мине

Македонија стартува од септември во првото издание од Лигата на нациите. Во групата се Македонија, Ерменија, Лихтенштајн и Гибралтар. Селекторот  Ангеловски очекува провото место да го решат дуелите со Ерменија:

„Наша цел е првото место, ќе играме за да победиме во групата. Ќе одлучува пресметката со Ерменија, но мораме да бидеме максимално мотивирани и подготвени и против Лихтенштајн и Гибралтар. Ќе се сконцентрираме на анализа на противниците, но треба на сите да ни е јасно дека најважни сме ние, ние мораме да бидеме во наше најдобро издание. Се надевам дека ќе бидеме здрави и целосно ќе се фокусираме на натпреварувањето. Верувам во квалитетот и карактерот на нашите фудбалери бидејќи покажаа дека можеме да се надигруваме и со далеку поквалитетни репрезентации. За успех е потребна поддршка од сите, оваа Македонија тоа го заслужува” - изјави селекторот Игор Ангеловски.