Анџелина Џоли: Системот за бегалци целосно е растурен
Американската актерка Анџелина Џоли, која работи и како специјаен пратеник на ОН за бегалци предупреди денеска дека меѓународниот хуманитарен систем за бегалци е растурен и не функционира.
Џоли учествуваше во специјалната програма на Би-Би-Си Ворлд посветена на главните прашања врзани за мигрантите.
Таа укажа на стравот што постои од мигрантите и на, како што рече, „вистинската трка меѓу државите“ за тоа која од нив ќе биде построга и поостра во заштитата на својата територија од мигрантите.
Според актерката-хуманист, повеќе од 60 милиони луѓе на планетата, или еден на секои 122 жители на Земјата, се водат како раселени лица, а тоа е повеќе од кога било досега, во изминатите 70 години.
Џоли наведе и дека просечно, раселеноста на луѓето изнесува околу 20 години.
Холивудската ѕвезда за која се посочува дека има политички амбиции, објаснува дека ваквите состојби и проценки на кои таа укажува не се однесуваат само за Европа, која повеќе од една година се наоѓа среде бегалска и мигрантска криза, туки на другите делови од светот каде има бегалци.
Тоа се однесува на земји ако Турција, Либан и Јордан, што е поврзано со ситуацијата и конфликтот во Сирија, така и во Иран, Пакистан, како и во Етиопија.
УНХЦР претходно објави дека бегалската и мигрантската криза сега ги третира како глобално прашање.
Ново на Сител
-
ВМРО-ДПМНЕ и Вреди ги продолжуваат разговорите за нова влада
-
Најмалку тројца загинати во експлозија на киоск во Дизелдорф
-
ОЈО Скопје прибавува и анализира докази за Палчо, истрагата за останатите петмина осомничени во завршна фаза
-
Најмалку четворица мигранти загинаа во сообраќајна несреќа во Хрватска
-
Запленети 4,8 килограми злато при влез на ГП Богородица
-
Тече истрагата за убиството на Вања и Панче, првоoсомничениот Палевски во притвор
-
Летна наградна авантура со Веро, 400.000 денари за најсреќниот купувач
-
Мицотакис: Било кое отстапување од Договорот од Преспа ќе има последици и во билатералните односи и на патот на Скопје кон ЕУ