Свет
16. January 2017 - 15:54

Американските маринци се распоредуваат во Норвешка

Околу 300 американски маринци пристигнаа денеска во Норвешка.

Распоредувањето на американските сили, кое е од ротациски тип е претставено како едногодишен тест со кој на маринците би им се овозможило да се обучуваат и да спроведуваат вежби со норвешката војска во тешки услови.

Тргнувајќи од Северна Каролина со чартер лет во неделата вечерта, маринците со багажот и оружјето допатувале денеска на аеродромот во Вернес во близина на градот Трондхејм во централна Норвешка, покажуваат телевизиските снимки.

Норвешка, која е членка на НАТО, соопшти во октомври дека го прифатила барањето на САД да стационираат свои сили на нејзина територија.