Американските маринци кои се водеа како исчезнати по судар на два авиони кај Јапонија, прогласени за мртви
Маринскиот корпус на САД денеска ја потврди смртта на петмина војници кои исчезнаа откако два американски воени авиони се судрија кај брегот на Јапонија, со што вкупниот број на жртви се зголеми на шест лица, со само еден преживеан.
– Одлучив да ги прекинам операциите за пребарување и спасување на екипажот на нашиот авион КЦ-130Ј кој беше имаше несреќа кај јужниот брег на Јапонија и да прогласам дека овие војници се починати, напиша на Фејсбук командантот на Третата Морска единица за експедиција, генералот Ерик Смит.
Смит додаде дека „е направен секој можен напор“ за да се пронајде екипажот и оти податоците за летот и аудио снимачите од пилотската кабина на авионот за полнење гориво, во кој биле петмината загинати маринци, „досега не се лоцирани, поради што е прерано да се шпекулира за пронаоѓање на остатоците“.
По сударот, кој се случи пред пет дена, на воените авиони на американскиот марински корпус, КЦ-130 со петмина и Ф/А-18 со двајца членови на екипаж, двајца маринци беа спасени од страна на Јапонската морнарица. Сепак еден од спасените почина подоцна во болница, а другиот е во стабилна состојба.
Авионите полетале од воздухопловната база на Маринскиот корпус Ивакуни, во близина на Хирошима, и спроведувале редовна обука кога дошло до несреќата, соопшти Маринскиот корпус.
Американскиот марински корпус денеска соопшти дека не е потврдено дали во моментот на несреќата во тек било полнење со гориво и оти се уште се води истрага за околностите на сударот.
Ново на Сител
-
Граѓаните кои поседуваат легално оружје од сега ќе можат да набавуваат муниција директно во овластените правни субјекти
-
Кривична за градоначалникот на Кичево, одобрил оформување дива депонија и ја загрозил животната средина и природата
-
Студентскиот дом „Кузман“ готов до 2026та, во план е да се реновираат сите студентски домови
-
Меџити: По пожарите ќе се пошумува секаде каде што е потребно
-
Нестабилно со пороен дожд и грмежи од утре попладне до четврток
-
Обвинетиот за нападот на градоначалничката Арсовска не се чувствува виновен, започна доказната постапка
-
18-годишен мотоциклист почина откако се судри со „бмв“ со швајцарски национални ознаки
-
Собранието ја констатира оставката на претседателката на ДКСК Татјана Димитровска