Американскиот буџетски дефицит лани изнесувал 587 милијарди долари
Буџетскиот дефицит на САД во текот на штотуку завршената фискална година изнесувал 587 милијарди долари, пренесуваат американските медиуми, повикувајќи се на статистиката на Министерството за финансии.
Американските медиуми посочуваат дека тоа е чувствително зголемување од 34 проценти по значителното подобрување на ситуацијата по рекордните дефицити во првите години од управувањето на претседателот Барак Обама.
И покрај тоа што овие податоци се отрезнувачки, тие не изгледаат толку лоши за Вашингтон, што е западнат во политичка парализа, да преземе мерки за ограничување на државните трошоци, забележуваат медиумите во САД.
Американската Влада од секој долар на заем зема по 15 центи, што потоа ги троши. Државните расходи се зголемени за приближно пет отсто во фискалната 2016 година, до 3,9 трилиони долари, додека приходите во државната каса останале непроменети на нивото од 3,3 трилиони долари.
Неконтролираниот буџетски дефицит и нараснатите американски долгови во голем степен се заобиколуваат и од двајцата кандидати во капањата за претседателските избори, што треба да се одржат следниот месец.
Економистите коментираат дека никој од претендентите нема реален план за решавање на овие проблеми.
Ново на Сител
-
Собранието утре ќе одлучува за интерпелацијата на Коцевски
-
Тема на денот со Максим Димитриевски, лидер на ЗНАМ
-
Мицкоски: Инвестициите за разлика од претходно се без повластувања и барање мито
-
Договор САД-ЕУ: 15% царини за извоз на европски стоки во САД, 0% за американски производи во ЕУ
-
Словенија и Франција ни понудија помош за гаснење на пожарите, надлежните велат состојбата е под контрола
-
Таравари и ДУИ договориле заеднички листи
-
Собранието утре ќе одлучува за интерпелацијата на Коцевски
-
Мицкоски најави мерки против растот на цените, анализата е во завршна фаза