Американски Воен конвој ќе помине три дена во Чешка

Војници од американски конвој, кој од 27 до 30 мај ќе учествуваат на воената вежба Сејбер Страјк во балтичките земји (Естонија, Летонија и Литванија) следната недела во Чешка ќе поминат три ноќи, јави дописникот на МИА од Прага.

- Со оваа вежба, НАТО реагира на случувањата во сферата на безбедноста во светот и ја презентира единственоста и подготвеноста на земјите- членки кон колективната одбрана, информираше министерот за одбрана Мартин Стропницки.

Тој додаде дека исто така поради истата цел, американските војници ќе одржат и заедничка воена вежба со чешките колеги и ќе преспијат во чешкиот главен град и во местата Вишков и во Праславице.

Во конвојот ќе учествуваат 500 војници и 225 парчиња на воена техника.

Минатата година низ Чешка поминаа два слични воени конвои, кои предизвикаа внимание како кај приврзаниците така и кај противниците.