Американската актерка Лори Лoхлин оди в затвор за учество во криминално дело
Американската актерка Лори Лохлин и нејзинот сопруг, дизајнерот Мосимо Џианули, се изјаснија дека се виновни и ќе отслужат казна затвор за учество во криминален потфат.
Лохлин и Џианули се меѓу 50-те обвинети дека учествувале во наводен криминал за запишување деца на универзитет, иако тие ги отфрлија сите обвиненија на почетокот од судскиот процес.
Лохлин (55) прифати да служи затворска казна во траење од два месеца, и заедно со својот сопруг таа се согласи на договор што вклучува финансиски надомест и работа за хуманитарни цели под надзор.
Обвинителството соопшти дека Лохлин и Џианули платиле поткуп од половина милион долари за да ги запишат своите две ќерки на Универзитетот во Јужна Каролина, наводно како членови на веслачкиот тим.
Според условите на спогодбата, актерката ќе биде во затвор два месеца, ќе плати 150.000 долари и ќе има задолжителни 100 часа општествено корисна работа, додека нејзиниот сопруг ќе помине пет месеци в затвор, а ќе мора да плати и парична казна од 250.000 долари и задолжителни 250 часа општествено корисна работа.
Ново на Сител
-
ФФМ и Ла Лига ќе градат долгорочно партнерство
-
Две возила учествувале во сообраќајката кај Собранието, во која се повредени две лица
-
Две лица потешко повредени во сообраќајка во центарот на Скопје
-
Димитриеска Кочоска: Индустријата зазема стабилен курс на раст
-
Гувернерот Славески на Годишното генерално собрание на БИС
-
Администрацијата на Трамп му се закани на Харвард со укинување на федералното финансирање
-
УКРО: Сите пациенти добиваат терапија, достапни се лековите за третман на онколошки заболувања
-
Јанев: Полицијата е првата линија на одбрана на сообраќајната култура