Американците најбогата нација во светот, ги надминаа Швајцарците
Американците сега се најбогата нација во светот, ги надминаа Швајцарците, додека богатството постепено се „топи“ во остатокот од светот, како резултат на настаните околу Брегзит и трговската војна САД-Кина, покажува најновата студија на „Глобален извештај за богатството“ на германската осигурителна компанија Алианц.
Според студијата, просечното нето финансиски имот на луѓето кои живеат во САД е 184.411 евра (203,128 американски долари) по глава на жител, наспроти 173.838 евра колку што е приватното богатство на Швајцарец.
Тие податоци се за 2018 година.
Подемот на САД на врвот на листата на најбогати нации во голема мера се должи на силата на доларот, како и на американските домаќинства, кои се главните двигатели на растот на глобалниот проток на средства, бидејќи две третини од сите заштеди во индустријализираните земји доаѓаат од САД, соопшти осигурителната компанија.
Во извештајот се наведува и дека новото штедење означи глобален рекорд бидејќи се искачи за 22 проценти на повеќе од 2.700 милијарди евра. Ова се припишува на минатогодишната даночна реформа во САД, според која американските граѓани ги зголемуваат новите заштеди за 46 проценти.
Иако САД го зазедоа првото место во извештајот, Швајцарија е се уште на врвот во однос на бруто-финансиските средства по глава на жител, со бројка од 266,318 евра во однос на 227,364 евра колку е за САД.
Сепак, нивото на долг во Швајцарија е далеку повисоко отколку во САД заради бројот на хипотеки. И Швајцарија и САД се далеку пред треторангираниот Сингапур, каде што вкупното нето финансиско богатство по глава на жител е само 100.370 долари.
Ново на Сител
-
Воена вежба „Junction City 2025“ на армискиот полигон Криволак
-
Утврдени финалистите за наградата „Сахаров“ за 2025 година
-
Светски ден на храната и 80 години од основањето на ФАО: Храната не е само потреба, туку и достоинство, здравје, иднина, култура и идентитет
-
Политико: ЕУ има пет години да се подготви за војна
-
Уште една измама со лажна сообраќајка, измамена 82-годишна скопјанка за сума од 4.000 евра
-
До сабота променливо облачно со повремен дожд
-
Топ-10 листа: Расте продажбата на теренци во Европа
-
Интернет користи 92,1 отсто од населението во земјава