Амбасадорот на Северна Кореја е „персона нон грата“ во Шпанија

Министерството за надворешни работи на Шпанија синоќа соопшти дека побарало од севернокорејскиот амбасадор до крајот на месецот да ја напушти земјата поради константното одбивање на Пјонгјанг да се откаже од нуклеарната програма. 

- Повикан е амбасадорот на Северна Кореја на кого му е пренесена одлуката дека се смета за непожелно лице (persona non grata), поради што мора да прекине да работи и да ја напушти земјата пред 30 септември, се посочува во соопштението на шпанското Министерство за надворешни работи.

Советот за безбедност на Обединети нации воведе нови санкции по овомесечната шестта и досега најголема нуклеарна проба на Северна Кореја.