Алесандрија домаќин на Милан во Купот на Италија

Во фудбалскиот Куп на Италија вечерва ќе се игра првиот меч од полуфиналната рунда.

Најпријатното изненадување во „Копа Италија’’ сезонава екипата на Александрија ќе има тежок предизвик за прв пат во историјата до дојде до финалето. Тимот кој настапува во третата по квалитет лига, пред својата публика ќе го пречека Милан, кој во историјата пет пати триумфирал во ова натпреварување.

Натпреварот Алесандрија – Милан, ќе започне во терминот од 21 часот, а утре од 20 часот и 45 минути својот прв полуфинален меч ќе го играат Интер и Јувентус.

Реванш полуфиналните натпревари ќе се играат на 1 и 2 март, во Милано и Торино.