Александар Николоски: СДСМ отиде со БЕСА за да не се види волјата на Македонците

Александар Николоски, потпретседателот на ВМРО-ДПМНЕ, синоќа во емисијата „10 Минути“ на ТВ21, коментирајќи ја предизборната коалиција помеѓу СДСМ и БЕСА, рече дека тој потег е осмислен за да не се види волјата за кого ќе дадат глас повеќе етничките Македонци.

Тој изјави дека коалицијата на СДСМ со Беса е за „манипулација на гласачите“ затоа што нема да може да се види „волјата на двете најголеми заедници во државава“ и додаде дека ова е очајнички потег на претседателот на СДСМ, Зоран Заев, за да се спаси.

Николоски на прашањето со кого ВМРО-ДПМНЕ би коалицирал дококу победи на изборите - со ДУИ или со Алијансата на Албанците, тој даде дипломатски одговор дека ќе се коалицира со оној кој повеќе ќе прифати од програмата на најголемата опозициска партија.