Албанскиот ЦУК во целосна готовност поради најавата за поларни температури
Албанскиот министер за одбрана, Нико Пелеши изјави дека Центарот за управување со кризи е во состојба на готовност, бидејќи се очекува поларен студ да ја зафати земјата, јави дописничката на МИА од Тирана.
Метеоролозите најавија дека во наредните денови во Албанија температурите може да паднат и до -18 степени целзиусови пред сè во северниот и североисточнот дел, а минусни температури ќе има и на целата територија на земјата, какви што биле забележани во 1990 година.
Живата во термометарот во Тирана се очекува да се спушти до – 8 степени целзиусови, блиску до нула во крајбрежните области, како Драч, додека во Валона се очекуваат температури до -1 степен целзиусов. Најниски температурите се очекуваат во понеделник.
Министерството за одбрана апелира до граѓаните, особено оние во одалечените области, да ги следат советите на штабовите за вонредни состојби во нивните општини за да избегнат сериозни ситуации.
Министерката за образование Евис Куши вчера соопшти дека од понеделник до среда идната недела училиштата во земјава ќе бидат затворени поради најавата за екстремно ниски температури.
Ново на Сител
-
Актвини пожари во кумановските и селата од општина Старо Нагоричане Бељаковце, Стрезовце, Сув Ора и во Руѓинце
-
ЦУК: Во текот на изминатото деноноќие, се регистрирани 33 пожари на отворен простор
-
Осум млади луѓе приведени за тепачка среде Тетово, еден од нив е повреден
-
Приведени три лица од Ресен, прегазиле и физички нападнале полициски службеници
-
Гори борова шума во кривопаланечкото село Нерав
-
Камбоџа и Тајланд се обвинуваат меѓусебно за артилериски напади
-
Муцунски учествуваше на првиот состанок на Балканската платформа за мир во Истанбул
-
Приведени четири возачи затоа што управувале возила под дејство на алкохол