Албанската полиција заплени 880 килограми марихуана

Полицијата од албанскиот град Корча, во рамки на акцијата „Очекував“, во близина на селото Душар во општина Малиќ, заплени 880 килограми марихуана, спакувана во 30 вреќи.

Како што јави дописникот на МИА, во акцијата се уапсени четири лица, сите албански државјани, на возраст од 22 до 41 година.

Првичните истражни дејствија потврдуваат дека дрогата била наменета за странскиот пазар, а поради близината најверојатно за грчкиот.

Вчера полицијата во Тирана заплени 119 килограми марихуана и уапси три лица.

Деновиве  во Сицилија, италијанската полиција запленила 3,5 тони албанска мрихуана.

Инаку, албанската полиција продолжува со уништување на цели парцели засадени со марихуана. Од јуни, кога ја почна големата акција против догата, полицијата досега уништи над 100 илјади стебла марихуана.