Албанската опозиција денеска на масовен антивладин протест
Албанската опозиција денеска на пладне најави одржување на досега најмасовен антиваладин протест.
Најголемата опозициска сила Демократската партија протестите ги најавила и во полиција, при што во известувањето се наведува дека истите ќе се одржат пред Владата, дека ќе траат четири часа и оти поради тоа побарала блокирање на сообраќајот на плоштадот „Народни херои“.
Како што најави лидерот на демократите, Љуљзим Баша, целта на протестите е „слободни и демократски избори“.
- Ги повикувам сите сограѓани на протести против Владата. Да протестираме сите заедно против неправдата и сиромаштијата, против болното здравство и уништеното образование, против владината ароганција и притисок, против дрогата, криминалот и криминалците во политиката. Да ја заштитиме слободата, за да избереме и да потврдиме решителност за да го заштитиме гласот, апелираше лидерот на ДП, Љуљзим Баша.
Според него, само со храброст и одлучност може да се врати власта кај народот, а слободни избори се главен услов за започнување преговири на ЕУ со Албанија.
Полицијата во меѓувреме информраше дека „е мобилизирана бидејќи очекува провокации од страна на учесниците во протестот“.
- Мерките на полицијата ќе бидат идентични како и на претходните протести. Првиот кордон ќе биде со полицајки. Имаме информации дека е можно провоцирање од страна на учесниците во протестот со фрлање камења, потврдиле од полицијата.
Исто така, полицијата потврди дека протестот ќе почне во 12 и ќе заврши во 16 часот и апелира до организаторите за воздржаност.
Заради безбедност, американската амбасада во Тирана до своите граѓани кои живеат во Албанија упати апел да избегнуваат движење во близина на местото каде ќе се одржува протестот.
Ново на Сител
-
Здравствените работници и здруженија бараат расчистување на случајот со бебето а не осуда без докази
-
Турските воздухоплови слетаа во Македонија: Помош очекуваме и од други земји за гаснењето на пожарите
-
Бизнисот ќе добие 250 милиони евра од 500-те кои владата ги договори со Унгарија
-
Грчки аналитичари: „Тајното оружје“на Мицотакис не е вето ниту замрзнување на европски фондови
-
Судиите се лути на Уставен, судот се додворувал на законодавната власт
-
Две третини од полуматурантите се запишале во стручни училишта
-
Младите ја вадат сезоната во Охрид
-
Истражување на ИЈЗ: Делови на Скопје со повеќе дрвја имаат пониски температури при топлотни бранови