Ал Шабаб нападна база на Африканска унија во Сомалија

 Припадници на исламистичката група Ал Шабаб денеска детонираа два автомобил-бомби, а потоа отворија оган врз базата на Африканска унија (АУ) во градот Буламерер, при што загинаа неколку војници од Уганда, соопштија сомалиските власти.

 

- Во нападот убиени се 59 припадници на АУ, а загинаа и 14 наши браќа, изјави портпаролот на Ал Шабаб, Шеик Абдиасис Абу-Мусаб.

 

Африканска унија се уште не го коментира инцидентот. Нападната база на мировниците се наоѓа на 130 километри од главниот град на Сомалија, Могадишу.

 

Откако се повлече од Могадишу во 2011 година, Ал Шабаб изгуби контрола врз поголем број сомалиски градови, но и понатаму има значително присуство во земјата.

 

Групата Ал Шабаб е поврзана со Ал Каеда и често напаѓа владини згради, хотели и ресторани. Во октомври минатата година при напад со камион-бомба во Могадишу загинаа повеќе од 500 луѓе