АКУФ: Во 2016 година не избувнал ниту еден нов конфликт во светот

Оваа 2016 е првата година по неколку претходни години во која не избувна ниту еден нов вооружен конфликт, и покрај тоа што во моментов низ светот има вкупно 32 војни, покажува истражувањето што денеска е објавено во Германија, цитирано од ДПА.

На Блискиот исток и во Југоисточна Азија има 12 се уште нестивнати конфликти, десет има во Африка и осум во Азија, се наведува во анализата на Организацијата за истражување конфликти АКУФ на универзитетот во Хамбург.

Во Латинска Америка и Европа во моментов има по еден конфликт.

Најмногу загинати во 2016 година има во војната во Сирија.

Истражувачите, исто така, посочуваат дека во неколку конфликти во текот на изминатата година дошло до деескалација на судирите, на пример, како во Колумбија, каде претходно во текот на овој месец беше одобрен мировниот договор меѓу владата и бунтовничката група ФАРК.