Активни 670 случаи со Ковид-19
Бројот на активни случаи со Ковид-19 во државава, според последните податоци на Министерството за здравство, вчера се намали на 670, а беа регистрирани само 10 новозаразени од направени 2.825 тестирања. Здравствените власти истакнуваат дека вакцинацијата дава резултати и апелираат да се почитуваат мерките за заштита. Во зависност од бројот на нови случаи, Комисијата за заразни болести ќе носи нови одлуки за олабавување на рестриктивните мерки.
-Првпат по подолго време бројот на активни случаи на Ковид-19 опадна под илјада. Вакцинацијата и почитувањето на мерките ги донесоа очекуваните резултати, вели министерот за здравство Венко Филипче со апел да се продолжи да се почитуваат мерките и оние граѓани кои сѐ уште не се пријавиле за вакцинација, да го сторат тоа што поскоро.
Од регистрираните десет нови случаи на заболени од Ковид-19, пет се во Скопје, по два во Прилеп и Виница и еден во Куманово. Регистрирани се 332 оздравени пациенти, а пријавени се вкупно седум починати лица.
Вкупната бројка на пациенти позитивни и суспектни на корона вирусот кои се лекуваат на инфективните одделенија во главниот град и во болниците низ земјава е 123 и има околу 420 празни болнички кревети во ковид центрите.
-Бројот на приеми во изминативе денови се намалува и до вчера изутрина до 8 часот имало 90 слободни места. Сите инфективни одделенија имаат довод на кислород и можат да згрижат пациенти кои имат потреба од кислородна поддршка, нагласија вчера од Министерството за здравство.
Популарно од Македонија
Ново на Сител
-
Регистрирани 20 пожари на отворено - 18 се изгаснати, еден е активен, а еден е под контрола
-
Николоски: Дијаспората доби директна линија Женева – Скопје
-
Хирошима на годишнината од атомското бомбардирање повика на целосно укинување на нуклеарното оружје
-
САД планираат дополнителни 242 милиони долари помош за борба против еболата во Африка
-
ОН: Во јули во Украина регистриран најголем број цивилни жртви од април 2022 година
-
Сончево и многу топло со мала до умерена локална облачност, температурата до 39 степени
-
Ангелов: Спречена катастрофа во виничко, запалена трева при сечење со брусилица | ВИДЕО
-
Приведен полицаецот кој наплаќал казни во кеш наместо преку ПОС-терминал и го оштетил Буџетот за 85.500 денари
