Активисти на СДСМ и волонтери помагаат во поплавените подрачја во Скопско

Активисти на СДСМ и волонтери, со поддршка на специјализирани возила, денеска им помагаат на жителите во подрачјата погодени од поплавите, соопшти партијата. 

Активностите што ги предводи генералниот секретар Оливер Спасовски започнале утрово на влезот во населбата „Методија Андонов Ченто“ во Скопје.

Акциите за помош продолжуваат во населените места Стајковци, Сингелиќ и Инџиково, а ќе биде поделена и хуманитарна помош во сите погодени подрачја, велат од СДСМ.