Акција против грчките фиктивни фирми на Балканот

Грчките власти започнаа операција наречена „Вулканизатор", чија цел е елиминирање на појавата на фиктивно преместувања на грчки фирми во соседните држави, со цел сопствениците да плаќаат пониски даноци, објави „Етнос". 

Министерството за финансии на Грција изготви план кој предвидува засилени проверки и законски промени. Во таа насока, ќе се „блокираат" фирми што фиктивно ја преместиле својата дејност во Бугарија, Романија или Кипар.

Фирмите, за кои ќе се утврди дека ги преместиле своите седишта во друга држава, но фактички продолжуваат со својот бизнис во Грција, ќе бидат санкцонирани со парични казни.

Извори од Министерство велат дека во северна Грција има фирми што ангажирале адвокати и брокери, кои работеле на „преместувањето на фирмите“, на пример, во Бугарија, каде што само во 2015 година се отворени околу 150.000 фирми. Во 2016 пак, тој број изнесувал 2.500.