Акција 21 - Нова реформска иницијатива на Владата

Носење на европски стандарди дома - нова иницијатива на македонската влада.

По недобивањето на датум за старт на преговори со Европската Унија, премиерот Зоран Заев денеска на прес конференција ја најави иницијативата „Акција 21", чија цел е засилени европски реформи во повеќе области.

Приоритет ќе биде прочистувањето во судството, борбата против корупцијата и заштитата на животната средина. Останатите области каде што Владата планира да оствари засилен реформски развој е во областа на борбата против пандемијата со Ковид 19, легализацијата на канабисот за медицински цели, како и нови проекти во областа на енергетиката. Спроведувањето на пописот исто така е планиран како нужен во првата половина на оваа година.

Како што истакна премиерот, останатите области во кои се планира реформски напредок е борбата против лажните вести, како и неколку нови политики кои ќе го засилат економскиот потенцијал на земјава.