АИ: Сирискиот режим егзекутирал речиси 13.000 луѓе со бесење меѓу 2011 и 2016 година

Амнести интернешнал го обвини сирискиот режим дека егзекутирал со бесење во затвор близу Дамаск речиси 13.000 затвореници. Тие податоци се за периодот 2011-2016 година.

Амнести наведува дека еднаш неделно меѓу 2011 и 2015 година групи од 20-50 затвореници биле изведени пред суд по брза процедура, биле измачувани и потоа обесени ноќе во најдлабока тајна.

Амнести се повикува на разговори со очевидци меѓу кои службеници од затворите, судии и адвокати. Повеќето жртви биле цивили кои се сметале за непријатели на режимот, други биле војници осомничени за учество во заговор против режимот.

Жртвите се погребувани во масовни гробници вон Дамаск. Од Амнести сметаат дека тоа се воени злолсторства кои веројатно траат и сега. Тие ги повикаа ОН да ги разгледаат нивните заклучоци од извештајот.