Администрацијата од Дебар масовно се вклучи во денешната еко-акција
Вработените во администрацијата од Дебар, предводени од градоначалникот Хекуран Дука, масовно се вклучија во денешната еко-акција „Адмнистрацијата чисти заедно со Не биди ѓубре“.
Тие ја расчистуваа пошироката околина покрај Дебарското езеро, едно од најубавите места во општината, како и покрај големата спортската сала, а дворот и околината околу објектот каде што просторно се сместени го чистеа вработените во службите на МВР.
– Во акцијата се вклучија сите институции, што е потврда дека сите сме за чиста животна околина, но за жал се уште постојат несовесни граѓани кои насекаде фрлаат отпад, создавајќи диви депонии. Нашата општина е пребогата со природни убавини и богатства кои треба да ги сочуваме. Апелирам до сите граѓани, намерни или случајни патници, кои престојуваат во нашата општина, да бидат внимателни и да не ја загадуваат и уништуваат оваа убавина, порача меѓудругото Дука.
Од јавното комунално претпријатие „Стандард“ кое беше вклучено во акцијата потврдуваат дека собрана е голема колична отпад кој е депониран во градската депонија.
Локалната власт неодамна спроведе акција за чистење на дивите депонии во градот и населените места.
Ново на Сител
-
Гаши: Кривичниот законик ќе се менува по предлог на пратениците, а не по барање на Уставен
-
Ден на ретките болести - Пациентите побараа државата да донесе национална стратегија
-
Детска Клиника преполна со болни деца од респираторни инфекции
-
Дурмиши: Нема да се толерира картелско здружување на ланците маркети
-
Електронски ќе се вади уверение за остварен доход
-
Почнуваат карневалските денови
-
СДСМ бара оставка од министерката за финансии за навредите кон пратеничката Петровска
-
Гаши ги следи реакциите за вчерашната седница за пратенички прашања