Абас: Одлуките на Ликуд се поддржани од САД

Палестинскиот претседател Махмуд Абас денеска ја осуди резолуцијата на владејачката израелска партија Ликуд со која се бара анексија на еверејските населби на Западен Брег, истакнувајќуи дека резолуцијата не би била донесена без поддршка на САД.

- Одлуката на Централниот комитете на Ликуд не би можела да биде донесена без целосна поддршка на американската администрација која одби да ги осуди израелските колонијални населби, како и систематски напади и злосторства на израелската окупација над народот на Палестина. Одлуката на Ликуд е дел од планот на Израел да ги избрише неотуѓивите права на палестинскиот народ, посочи Абас.

Тој додаде дека израелската Влада со поддршка од администрацијата на САД не е е заинтересирана за траен мир, туку нејзина цел е „консолидација на режимот на апархејдот во цела историска Палестина“.

- Обидите на Израел да ја убие шансата за мир ќе бидат дочекани со голема одлучност и цврстина. Ниту еден народ на светот не прифатил да живее како роб и Палестинците нема да бидат први што тоа го направиле, посочи Абас.