АБА: Будуќност подобар од Игокеа

Лидерот Будуќност ја победи Игокеа со 89:74 синоќа во Подгорица во дуел со кој се комплетира 24.коло од регионалната кошаркарска АБА лига.

 

Црногорскиот шампион ги доби сите четвртини, а повторно најзаслужен за победата беше Тадија Драгичевиќ со 20 поени.

 

За Будуќност ова беше 22.победа со што го потврди првото место на табелата, додека Игокеа со 15.пораз се најде во групата од четири екипи (меѓу кои е и МЗТ Скопје Аеродром), кои заедно со двете последни екипи Сутјеска и Тајфун, ќе се борат за опстанок.

 

Пласман во разигрувањето за титулата обезбедија Будуќност, Црвена звезда, Цедевита и Мега Лекс.

 

Во АБА лигата следува пауза од десетина дена, а претпоследното коло ќе биде отворено на 26 февруари со дуелот во Скопје меѓу МЗТ и Тајфун.