6-годишното синче се обидувало да ја разбуди познатата пилатес-инструкторка Ирина Митевска

Познатата пилатес-инструкторка беше погребана денеска на Градските гробишта во Бутел

На 30.5.2017 година околу 9:00 часот во Скопје, на ул. „11 Октомври“, во станот на И.М. (42) влегла Ќ.Ш. (56) од Скопје, која работела како хигиеничарка во домот на И.М. и го затекнала нејзиниот шестгодишен син.

Кога го прашала каде е мајка му, тој одговорил дека е во дневната соба и дека не може да ја разбуди. Ќ.Ш. влегла во собата и ја затекнала И.М. на седечката гарнитура без знаци на живот. 

Смртта е констатирана од страна на лекар од Итна медицинска помош. Увид на местото на настанот извршила увидна екипа од СВР-Скопје. По наредба на јавен обвинител телото на починатата е предадено на обдукција.