49 автобуси на вонреден технички преглед, 14 искучени од сообраќај, имало и со неисправни кочници
Одделението за безбедност на патниот сообраќај при Секторот за внатрешни работи Скопје вчера извршило контрола на 49 автобуси и сите биле испратени на вонреден технички преглед затоа што биле констатирани дури 16 недостатоци.
„Одделението за безбедност на патниот сообраќај при Секторот за внатрешни работи Скопје вчера од 8 часот до 13 часот спроведе зајакната акциска контрола на возила кои вршат јавен превоз на патници. Од страна на полициски службеници контролирани се 49 автобуси и други возила кои вршат јавен превоз. Сите возила се упатени на вонреден технички преглед, при што биле констатирани вкупно 16 неисправности и други недостатоци. Кај осум возила бил неисправен уредот за кочење, кај две уредот за управување, три имале неисправни светлосно-сигнални уреди, а едно неисправни останати уреди., додека две возила немале комплетна опрема“, се вели во информацијата од МВР.
По оваа контрола, биле преземени 44 мерки и тоа: поднесени се 12 барања за поведување прекршочна постапка, издадени се 18 прекршочни платни налози, а 14 возила се исклучени од сообраќај.
„Исто така, при акциската контрола, откриени се и два други прекршоци што ги сториле автобуси и други возила што вршат јавен превоз. Додека, исто така, откриени се 12 прекршоци кај останатите учесници во сообраќајот и на нив им се издадени девет мандатни платни налози и три прекшочни платни налози“, се вели во соопштението.
Ново на Сител
-
За состојбата на државниот буџет - Гостинка во вестите Гордана Димитриевска Кочоска, министерка за финансии
-
Бугарското МНР со порака до Скопје: Процесот на интеграција се заснова на заслуги, посредувањето не е дозволено
-
БиХ брои жртви по катастрофалните поплави
-
Можни ли се поплави во Македонија како во Босна и Херцеговина?
-
Партиски препукувања додека струмичани немаат вода за пиење
-
Тема на денот со Владимир Божиновски, политички аналитичар
-
Клиниките ќе се спојуваат во 2026, Таравари ќе враќа лекари од приватното во државното здравство
-
Бела ноќ со француската атракција групата „Кидам“ со уличниот спектакл „Сонот на Еребер“