25 нови случаи на голема кашлица за една недела, тројца од нив се хоспитализирани
Во периодот од 26 јули до први август 2024 година пријавени се 25 нови случаи на голема кашлица, идентично со претходниот седмодневен период (n=25), извести Институтот за јавно здравје.
Во однос на географската дистрибуција, најголем дел од случаите се пријавени во епидемијата во Скопје (n=13; 52,0%), а пријавени се и 10 случаи од Куманово и по еден случај од Битола и Тетово.
Географска дистрибуција на случаи на голема кашлица во РСМ, 26.07-01.08.2024
Возраста на заболените се движи од 2 месеци до 50 години, а најголем број на случаи се од возрасната група од 0-4 години (n=10; 40,0%).
Во однос на вакциналниот статус на заболените, 17 лица се некомплетно вакцинирани, невакцинирани или имаат непознат вакцинален статус, 5 се комплетно вакцинирани и три се вакцинирани согласно возраст.
Од новите случаи, 3 (12,0%) се хоспитализирани.
Заклучно со 01.08.2024, во РСМ е регистриран вкупно 981 случај на голема кашлица, со инциденца од 53,4/100 000 жители. Тоа претставува неколкукратно зголемување на бројот на заболени во однос на изминатиот петгодишен период (2019-2023 година), кога се регистрирани вкупно 10 случаи, се наведува во извештајот на ИЈЗ.
Ново на Сител
-
Со таблички во боја ќе се спречува злоупотребата на службени возила
-
Тема на денот со Сашо Клековски, директор на Фонд за здравство
-
Се стопираат етничките вработувања во администрацијата
-
Потребни итни реформи во судството, состојбата е алармантна
-
Мицкоски на средби со ЕУ челниците во Брисел - Ќе пренесел порака за фрустрацијата на македонскиот народ
-
Таравари: Ахмети да се навикне на опозиција
-
Стотина прехранбени производи еден месец ќе имаат ограничена бруто профитна маржа до 10%
-
Мицкоски: Задолжувањето не е кинеско, ако ви пречи Кина зошто потпишавте договор со нив?