11-годишно девојче од Скопје доживеа несреќа за време на час

Единаесет годишно девојче доживеа несреќа за време на училиниот час. Според информациите на МВР, вчера  во 18.00 часот Ф.К.(32) во Полициската станица Карпош пријавил дека во петокот  додека неговата 11- годишна ќерка била на час во основно училиште при обид од страна на наставничката да го отвори прозорецот од училницата, истиот се откачил и паднал врз неговата ќерка, која седела до прозорецот и притоа ја удрил во левото рамо. По завршувањето на часовите, кога дошла дома се пожалила на болки во левото рамо и по прегледот во Градската општа болница „8-ми Септември“ констатирано и била скршеница на коска на рамото.