Зигмар Габриел повика на смиреност во врска со референдумот во Турција

Германскиот министер за надворешни работи Зигмар Габриел изјави дека е важно да се задржи воздржаноста по референдумот во Турција за зголемување на надлежностите на претседателот, без разлика на исходот од гласањето.

Тој во кусата изјава наведе дека е добро што завршила жестоката кампања за референдумот. За време на кампањата се влошија односите меѓу Турција и некои европски земји, меѓу кои и Германија, поради ограничувањата на турските политичари да агитираат за поддршка на уставните измени меѓу Турците во странство.

По преброени 99 отсто од гласовите поддршка за уставните измени дале 51,3 отсто од гласачите, јави турската телевизија Си-Ен-Ен Турк.