Жена и дете пронајдени удавени во Егејско Море откако потонал мигрантски чамец кај грчкиот остров Лерос
Жена и дете се пронајдени мртви денеска во водите кај грчкиот остров Лерос, откако потонал гумениот чамец со кој група мигранти од Турција тргнале кон грчкиот брег, соопшти грчката крајбрежна стража.
Во операцијата на грчката крајбрежна стража спасени се триесет и три лица, меѓу кои и шест деца, и сите се пренесени во болницата во Лерос, соопштија властите.
Оттаму додаваат дека спасувачката операција продолжува со потрага по евентуални преживеани мигранти.
Во потрагата се мобилизирани три брода на крајбрежната стража и хеликоптер „Супер Пума“, но спасувањето е отежнато од силниот ветер и немирното море.
Алармот за несреќа го испратил рибар кој пронашол тело на жена во морето, пренесуваат медиумите.
Според сведоштвата собрани од полицијата и крајбрежната стража, во гумениот чамец имало 40 лица, меѓу кои деца, жени и лица со ограничена подвижност.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка