Зголемен водостојот на Преспанското Езеро
За еден сантиметар е зголемен водостојот на Преспанското Езеро во однос на вчера, со што езерото за 32 сантиметри го има надминато апсолутниот минимум, при што нивото е за 1,35 метри пониско од просекот за јануари.
Според последните мерења направени од Управата за хидрометеоролошки работи (УХМР), водостоите на останатите две природни езера се исти како вчера, но нивото на Дојранското Езеро е за 3,01 метри повисоко од повеќегодишниот просек за овој месец, додека водостојот на Охридското Езеро е понизок за девет сантиметри од просечниот.
Повисоки од просечните се и водостоите на речиси сите реки во земјава и бележат дополнително зголемување во споредба со вчера. Исклучок се реките Струмица на мерното место кај Ново Село и Црна Река кај Р.Б. Мост каде водостојот е понизок од просечниот, иако и кај Црна Река е поголем во споредба со вчерашниот. Најголем пораст на нивото има реката Треска на мерното место кај Македонски Брод каде водостојот е зголемен за повеќе од трипати во споредба со вчерашниот.
Ново на Сител
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис
-
Приведени 14 државјани на Србија кои измамиле германски државјани за милион евра
-
Зголемен бројот на работници во индустријата
-
78-годишен тетовчанец тешко повреден во сообраќајка
-
Утре и задутре локални врнежи, во недела стабилно и потопло