Заврши 9. меѓународна ликовна колонија „Дрен“
Со заедничка изложба на уметниците синоќа во ликовната галерија во Центарот за култура „Марко Цепенков“ и официјално заврши 9. меѓународна ликовна колонија „Дрен“ во Прилеп.
На изложбата директорот на Центарот за култура Тони Чатлески нагласи дека и овој пат колонијата донесе 30-тина дела на уметниците -учесници од Русија, Бугарија, Србија и од Македонија, кои се трајно културно наследство.
- И по 9-ти пат се потврди дека опкружувањето, просторот и луѓето од нашето поднебје се голема инспирација. Имаме 30-тина дела, слики и инсталации и тие се дел од македонското културно наследство, но и на Центарот за култура „Марко Цепенков“ од Прилеп, рече Чатлески.
Петнаесетте уметници твореа на колонијата од 17 до 24 јули и годинава првпат колонијата беше сместена во просторот и поднебјето во Прилеп, а не како досега во манастирот „Свети Илија“ во Дрен.
- На овој чекор се решивме првпат зашто сакаме да го прошириме уметничкиот израз освен со слики и со инсталации и скулптури. Тоа го дава просторот во и околу Центарот за култура „Марко Цепенков“, градот, околината, луѓето и природата, изјави Марјан Стојаноски, раководител на ликовната галерија при Домот на културата.
Уметниците, како што велат, се воодушевени од гостопримството, луѓето, од природата.
- Луѓето и природата се најголемата инспирација, како целина, рече Мирослав Живковиќ, уметник од Србија.
Ликовната колонија „Дрен“ е дел од културните настани што се во рамки на „Прлепско културно лето“.
Ново на Сител
-
Политико: Колапс на напорите да се задржи ултрадесницата надвор од власт во ЕУ
-
Косовската опозиција со резолуција бара оставка на Курти и распуштање на Собранието
-
Сиљановска Давкова: Кирил го вградил не само својот живот, туку и нашиот во Европа и тоа мора да го почитуваме
-
Санкционирани 106 возачи на територијата на Скопје
-
Кацарска на 19. Конгрес на Конференција на европски уставни судови во Молдавија
-
Километарски колони на Богородица - се чека и по еден час
-
Првата група украински пилоти ја завршија обуката во САД за управување со Ф-16
-
Елмедин Конаковиќ најави протестни ноти до земјите што беа против резолуцијата за Сребреница