Заев: Со Ердоган имавме плодна работна вечера

Премиерот Зоран Заев на денешната прес-конференција по вчерашната посета на Турција изјави за што се разговарало на средбата со претседателот на Турција Ердоган.

„Од Турција ќе добиеме 30 илјади вакцини од „Синовак“. Тоа е навистина голема помош за нас и му благодариме на претседателот Ердоган. Разговаравме и за нашата поставеност во НАТО, каде се градат сериозни политики кои ќе ја осигураат безбедноста на државата и регионот. Другите детали од разговорот не би ги соопштувал. Имавме плодна работна вечера, отворивме сериозни перспективи за европскиот процес“, рече Заев.