Заев: Цела Европа виде дека македонскиот фудбал е европски и светски

Премиерот Зоран Заев го честиташе големиот триумф на Македонија против четирикратниот светски првак Германија преку социјалните мрежи.

„Вечерва цела Европа виде дека македонскиот фудбал е европски и светски! Честитки за нашите борци кои ни носат нови победи и нови подвизи. Имаме победа над селекцијата на Германија на квалификациите за Светското првенство во Катар 2022.

Во овие тешки времиња, моментите на радост и гордост што македонските репрезентативци ни ги носат се потребни и добредојдени во секој дом“, напиша Заев на Фејсбук.