Забраната за возила до Средно Водно од следниот викенд
Најавената забрана за движење на возила на патот до Средно Водно ќе се воведе од следниот викенд. Одложувањето, како што денеска соопшти Град Скопје, е поради неповолните временски услови најавени за наредните денови и техничките прашања околу усогласување на регулативата.
Забраната ќе важи во еден правец, односно од клучката за Сопиште до Средно Водно и од паркингот кај манастирот „Свети Пантелејмон“ до Средно Водно.
Забраната се планира да важи за време на викендите и за време на државните празници.
- Оваа забрана нема да се однесува на автобусите на Јавното сообраќајно претпријатие (ЈСП), возилата на полицијата, противпожарната бригада, итната медицинска помош, возилата на штабовите за итни интервенции, како и на возилата со посебни одобренија, велат од Град Скопје.
Со цел да им се излезе во пресрет на граѓаните кои сакаат да се рекреираат на Водно, ќе бидат воведени две нови пробни автобуски линии што ќе сообраќаат по принципот на шатл-линии, односно, автобусите ќе се полнат со патници на почетната станица и ќе возат без застанување до Средно Водно. Едната автобуска линија ќе тргнува од пред катната гаража на улицата „Свети Кирил и Методиј“, а втората ќе тргнува од паркингот кај Цветниот пазар (Дом на печат).
Покрај овие нови пробни автобуски линии, граѓаните ќе можат да ги користат и двете постојни автобуски линии, односно линијата со број 25 до Средно Водно и линијата со број 28 до паркингот кај манастирот „Свети Пантелејмон“.
Воведувањето на забраната за движење моторни возила на патот до Средно Водно е дел од заложбите на Град Скопје за почист воздух и поздрава животна средина
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари