За следната година повеќе пари за активните мерки за вработување и за поддршка на приватниот сектор
Во Предлог-буџетот за 2019 година што вчера јавно беше презентиран пред коморите, синдикатите, невладиниот сектор и медиумите, предвидени се 1,1 милијарди денари за активните мерки за вработување што е за 10 проценти повеќе во споредба со годинашниот Буџет, а двапати повеќе во однос на минатата година.
Реализацијата на овие мерки, според министерот за финансии Драган Тевдовски, ќе создаде услови за подобро функционирање на пазарот на трудот и за отворање на нови работни места. Согласно проекциите за идната година, се очекува намалување на невработеноста на околу 20 проценти и покачување на номиналната нето-плата за 4,5 проценти.
Во Предлог-буџетот за 2019 година предвидени се и повеќе средства за поддршка на стопанството, односно планирани се речиси три милијарди денари со кои ќе се поддржат новите инвестиции, извозот, малите и средните претпријатија, иновативноста и странските инвестиции во технолошко индустриските развојни зони.
Од Министерството за финансии најавуваат дека и повратот на ДДВ кон фирмите ќе се одвива навремено и неселективно.
Поддршка ќе добие и земјоделството каде се планирани средства за поддршка на земјоделските стопанства од 30 проценти при набавката на гориво за земјоделска механизација или за зелена нафта.
– Ваква мерка за прв пат се воведува во Република Македонија, со што се намалуваат трошоците за земјоделците, велат од Министерството за финансии.
За 2019 година планирани се вкупно 8,5 милијарди денари за субвенции што е за 60 милиони денари повеќе од планираните средства за годинава или за 820 милиони денари повеќе од 2017 година.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување