За еден месец во Албанија регистрирани 930 земјотреси

Од четврти јули кога беше регистриран првиот потрес, во близина на Драч, со јачина од 5,1 степен според Рихтер,во Албанија продолжува сеизмичната активност.

Последниот 930-ти по ред е регистриран вчера со епицентар на Кепи и Родонит, на Јадранско Море,кај Драч,со јачина од 3,8 степени.

Земјотресите главно се регистрирани во пошироката околина на Драч,како и во централниот дел на земјата.

Според сеизмолозите од албанскиот Институт продолжувањето на потресите е нормална работа,бидејќи по секој поголем потрес следуваат низа помали,се додека тлото целосно не се смири.

Земјотресите предизвикаа само помала материјална штета и вознемиреност кај граѓаните.

Дел од потресите кои беа со повисок интензитет беа почувствувани и во западниот дел на Македонија,посебно во подрачјето на Дебар.