За две години 266 Црногорци биле во куќен притвор, петмина го скинале електронскиот ремен за следење

Од почетокот на примената на алетернативата кривична санкција-домашен притвор во Црна Гора, од 2017 година, веќе 266 лица издржале ваква казна во своите домови, а во моментов уште 62 осудени лица чекаат да ја отслужат казната во своите места на живеење, наведуваат „Дневне новине“.

Во Црна Гора постојат 87 уреди за електронско следење и исто толку трансмитери – таканаречени „ ремени за нозе“, но бидејќи постојано расте бројот на пресуди во кои се изрекува таква казна, ќе се набават дополнителни уреди.

Лицата кои издржуваат ваков вид казна најчесто се сторители на кривични дела кражба, недавање алиментација, насилничко однесување, лесни телесни повреди, загрозување на јавниот сообраќај, недозволено држање оружје, загрозување на безбедноста и тешки телесни повреди.