За десетина проценти повеќе сообраќајни прекршоци во 2022 во споредба со 2021 година

Статистичките податоци на СВР Тетово покажуваат дека за десетина проценти повеќе сообраќајни прекршоци се направени од страна на возачите во споредба на 2022 и 2021 година.

На поширокото тетовско-гостиварско подрачје минатата 2022 година вкупно биле откриени и соодветно санкционирани 26.695 различни видови сообраќајни прекршоци (ТЕ-20.721 и ГВ-5974) или над 2300 повеќе во споредба со претходната година.

-Најчест прекршок санкциониран лани бил пребрзо возење (3893), односно неприлагодена брзина според условите на патот (ТЕ-2768 и ГВ-1125), а што всушност била и најчестата причина за минатогодишните сообраќајни несреќи и посебно на несреќите со потешки последици. Лани во овој регион регистрирани се за четири (4) проценти помалку сообраќајни несреќи од 2022 година, односно 1161 (ТЕ-805 и ГВ-356), најмногу само со причинета материјална штета, а во кои животот го изгубиле 14 лица (ТЕ-8 и ГВ-4).Намален, исто така, е и бројот на несреќите со повредени лица, соопшти Марјан Јосифоски, портпарол на СВР Тетово.

Поради констатирани прекршоци во овој период од сообраќај биле исклучени 3893 возачи (ТЕ-2921 и ГВ-972) и 1562 возила (ТЕ-1084 и ГВ-478), а времено се одземени 1418 возачки дозволи (ТЕ-1170 и ГВ-248).