За 24 часа во Скопје четири сообраќајки
Сообраќајната полиција вчера на подрачјето на Град Скопје изврши увид на вкупно четири сообраќајни незгоди, кои се со последица материјална штета.
Вчера од страна на сообраќајната полиција откриени и санкционирани се 22 возачи коишто не го почитувале ограничувањето на брзината на движење со возилото, тројца возачи го управувале возилото под дејство на алкохол и истите се исклучени од сообраќај, тројца возачи не отстапиле првенство на минување на пешаците на обележан пешачки премин, пет возачи не ги почитувале светлосно сообраќајните знаци на крстосниците, како и пет пешаци кои поминале вон обележан пешачки премин.
Со помош на специјалното возило „пајак“ во текот на изминатиот ден од страна на сообраќајната полиција отстранети се 73 возила кои го попречувале нормалното одвивање на сообраќајот.
Отсекот за превенција при Единицата за безбедност во патниот сообраќај при СВР Скопје денеска ќе одржи едукативни работилници во ОУ „Јан Амос Коменски“, кое се наоѓа на подрачјето на општина Карпош со учениците од четврто одделение.
Денеска со почеток во 17 часот и 45 минути во СЦ „Јане Сандански“ во рамките на СЕХА лигата ќе се одигра меѓународен ракометен натпревар помеѓу РК Вардар и Загреб, Хрватска. Со цел безбедно и уредно одвивање на натпреварот од страна на сообраќајната полиција ќе бидат преземени соодветни мерки за сообраќајно обезбедување, физичко регулирање, а по потреба и пренасочување на сообраќајот.
Ново на Сител
-
Атентат врз словачкиот премиер
-
Флекс кредит и СОС Детско Село заедно за Денот на семејството
-
Предизборниот и постизборниот период продуцира економска криза, сметаат економистите
-
Со нож и се заканија на претседателката на Уставен Кацарска
-
Запален службениот автомобил на директорот на Идризово- оштетена и блиската зграда
-
Уставен го одби барањето на судиите да го врати коефициентот за повисоки плати
-
Европскиот фронт најави тужби до Управниот суд и кривични пријави за членовите на ДИК
-
Без средба, само консултации за идното владино коалицирање