Вулин: Да им се забрани влез во Србија на оние кои гласаа за Резолуцијата за геноцид во Сребреница
Српскиот министер за внатрешни работи Александар Вулин изјави дека ќе побара забрана за влез во Србија за оние кои во црногорскиот Парламент гласале за Резолуцијата за геноцид во Сребреница.
– Претседателот Вучиќ не е човек кој забранува, но ќе побарам од него да им се забрани влез во Србија на оние кои гласаа за резолуцијата. Своите семејства кои се добро распоредени низ Белград, нека ги гледаат во Црна Гора, напиша Вулин во соопштението.
Според него, оние кои во црногорскиот Парламент гласаа за Резолуцијата за геноцид во Сребреница „се откажале од Србите“.
– Црногорскиот премиер Здравко Кривокапиќ последен пат ги разочара Србите, по овој срам веќе ништо од него не може да не разочара, оцени Вулин.
Собранието на Црна Гора вчера усвои Резолуција за геноцид во Сребреница, а министерот за човечки и малцински права Владимир Лепосавиќ е сменет на предлог на црногорскиот премиер Здравко Кривокапиќ, поради изјавите во кои го „релативизирал геноцидот во Сребреница“.
Ново на Сител
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност