Вучиќ: На Косово нема да има избори поради Курти

Српскиот претседател Александар Вучиќ изјави денеска дека парламентарните избори на 17 декември нема да се одржат во српските области на Косово бидејќи косовскиот премиер Албин Курти „не сака“ да им овозможи на Србите да имаат основни и природни права, пренесе Бета.

„Избори во српските заедници нема да има бидејќи Курти не сака да им го дозволи на Србите природното право што треба да го имаат. Западот ќе каже дека нема можност да изврши притисок врз Курти… Веќе имаше изјава од портпарол на ЕУ и тоа е тоа“, рече Вучиќ во Дубаи, каде што присуствува на Самитот на лидери за климатски промени.

Тој изјави дека Курти инсистира исклучиво на признавањето на независноста на Косово како услов за одржување на избори.

„Мораме да го признаеме Косово за Србите да учествуваат на изборите. .. Ништо повеќе и ништо помалку. И сите во Србија и во Европа го знаат тоа. Добро е што ќе реагираат на тоа, но ние нема да добиеме било што од таа реакција“, рече Вучиќ.