Вучиќ: Добив предупредување од руските служби за безбедност за подготовки за немири и државен удар
Претседателот Александар Вучиќ вечерва потврди дека од Руската Федерација пристигнало предупредување за подготовки за немири и државен удар во Србија, јави дописникот на МИА од Белград.
-Денеска добивме официјални информации од Руската Федерација, информации пренесени и донесени преку официјални канали. Да, ја добивме таа информација и се занимаваме со неа. Одговорна е БИА, луѓето специјализирани за ова во Владата на Србија и на сите други места си ја вршат својата работа, рече српскиот претседател одговарајќи на новинарско прашање дали добил предупредување од руските безбедносни служби дека во Србија се подготвуваат масовни немири со цел државен удар.
Тој порача и дека граѓаните треба да бидат безгрижни.
Оние кои сонуваат дека нешто ќе направат насила, рече Вучиќ, нема, затоа што Србија неуморно оди напред.
-Не можат да ја сопрат. И нема да ја спречат и никој никогаш нема да ја спречи. Тоа е мојата порака до сите, луѓето не треба да се грижат. Утре можат мирно да ги гледаат нашите кошаркари (натпревар на Олимпијадата) дома, рече тој.
На највисоките претставници на српската влада, специјалните служби на Руската Федерација преку официјални канали им дале информации за подготовка на масовни немири и обид за државен удар и ликвидација на претседателот Александар Вучиќ и највисоките државни функционери, соопштија претходно денеска српските медиуми.
Ново на Сител
-
Мекдоналдс ја повлече продажбата на „квартер пондер“ хамбургери во САД
-
Спасен повреден мотоциклист кој паднал во провалија на Шар Планина
-
Министерот Таравари прими вакцина против сезонски грип
-
Таравари: Мора да се преземат одредени мерки, направен е лекарски превид во лекувањето на 14-месечното дете
-
Општина Струмица го напушта ЗЕЛС
-
Уапсен 29-годишен арачиновец, ограбил казино
-
Манчестер Сити постави рекорд во Лигата на шампионите
-
Стапуваат во сила новите пониски цени на услугите на Агенцијата за катастар на недвижности