Времено ослободување од каматата за заостанатите комунални сметки во Кочани
Корисниците на комунални услуги во Кочани кои имаат заостанати неплатени сметки ќе бидат ослободени од каматата ако обврските целосно ги платат до 20 декември годинава.
Таква одлука донесе Управниот одбор на комуналното јавно претпријатие „Водовод“ и таа се однесува на сите физички и правни лица, без разлика дали за неплатените долгови добиле тужба или побарувањата се во редовна процедура.
– Целта е да им олесниме на поголем број граѓани да ги платат натрупаните долгови, одосно да го избегнат дополнителното финансиско оптоварување со плаќање на каматата. Истовремено, одлуката е и во интерес на нашето комунално претпријаите бидејќи очекуваме таа да придонесе за подобрување на финансиската состојба со зголемувањето на наплатата на сметките за потрошена вода, ѓубрарина и за другите ставки, истакна Андреј Киров, директор на „Водовод“.
Ослободувањето од плаќање камата за заостанатите сметки не се однесува на органите на државната и локалната власт, како и за другите државни органи основани согласно Уставот и со закон. Исто така, не се вклучени и институциите кои вршат дејности од јавен интерес утврден со закон, а се организирани како агенции, фондови, јавни установи и јавни претпријатија чиј основач е државата или Општина Кочани.
Според евиденцијата на „Водовод“, со поголем број неплатени сметки се соочуваат домаќинствата во однос на заостанатите обврски што ги имаат претпријатијата.
Ново на Сител
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието
-
ЕУ ја продолжи заштитата на украинските бегалци до 2026 година