Вработените во пералната на Клинички 11 месеци без плата и здравствено осигурување

Болни и задолжени со кредити, со месеци  без плата и здравствено осигурување. Вакво е секојдневието на вработените во пералната на Клинички која не работи веќе три месеци.  И Осман и Жаклина како и уште 9 нивни колеги се на улица и во неизвесност дали ќе биде решен нивниот статус. 

- 11 месеци сум без плата, 3 месеци без работа. Клинички ни ја зема работата, вешот за перење го носат во Сарај во приватна фирма и во ГОБ 8-ми септември, ние останавме на улица и без плата, вели Жаклина Блажевска од Клиничката централна перална.

- Со болна жена сум, најтешката дијагноза ја има, не можам на лекар да ја однесам, сите овде сме без здравствено. Сакаме само да ни ја вратат работата, вели Осман Џафери, од Клиничка централна перална. 
Фирмата која стопанисуваше со пералната на принципот  јавно приватно партнерство од септември кога најави раскинување на договорот, обврските за вработените ги оставиле на здравствените власти. Но досега ниту Министерството ниту заеднички служби не го решија проблемот и им се исплатени заостанатите плати. 

-Три машини одма може да почнат да работата, другите да почнат да ги полраваат. Со малку пари со 100 илјади евра можат сите машини да бидат направени, вели Осман. 

 Од Министерството за здравство ни одговорија дека во тек биле  процесите за меѓуинституционално решавање на статусот на вработените во пералната на клинички. 

Инаку освен платите, инвестицвија е потребна и на објектот каде до пред три месеци се переа чаршавите за болничките соби. Тој е руиниран, пред распаѓање и без никакви стандарди.