Вознемирувачко: Членови на банда ги убиле ривалите и ги испекле на скара

Честите немири во бразилските затвори добија нова ужасна димензија откако на интернет се појави снимка на која се гледаат затвореници како прават скара од човечко месо.

Ужасните сцени се снимени во затворот Алкакуз, кој се наоѓа на северот од Бразил, каде минатата недела дошло до немири, во текот на кои се убиени 26 затвореници.

Во прашање се судир меѓу две најголеми банди во Бразил - Ред команда, чие седиште е во Рио де Женеиро и Фрст капитал команда од Сао Паоло. На страотната снимка се гледаат припадници на Ред команд, кои тврдат дека подготвуваат скара од месото на своите убиени лути противници.

-Ова е само почеток. Платија - се слуша на снимката како еден од затворениците без заби, извикува додека мавта со мачета.

Неговиот другар за тоа време на подолг стап над оганот држи парчиња месо и прави скара.

Властите немирите во затворот Алкакуз ги смирија дури со ангажирањето на војската. Надлежните се трудат припадниците на завојуваните банди да ги раздвојат градејќи ѕидови од контејнери.

Двете банди повеќе од две децении го почитуваа примирјето и соработуваа во трговијата со дрога и оружје. Меѓутоа пред шест месеци Фрст капитал команд тргна да го потисне Ред команд од една од најпрофитабилните рути за трговија со дрога на северот од земјата.

Во прашање е маршрутите по кои кокаиниот од Перу и Колумбија низ Амазонија се префрла погоре кон север.

Бандата од Рио се здружи со помали групи и започна крвава пресметка на која не и се гледа крајот. Судирите се интензивирани на почетокот на 2017 година, а во нив до сега брутално се масакрирани 140 лица.

https://