Возач од кочанско со 2,25 промили алкохол во крвта управувал автомобил

Дваесет и осумгодишен жител на кочанското село Спанчево управувал со возило под дејство на алкохол. Според надлежните од СВР Штип  Д.Т. имал 2,25 промили алкохол во крвта, по што веднаш бил исклучен од сообраќај и задржан во полициска станица.

Во билтенот на СВР Штип се вели дека  денеска во 3:00 часот на улица „Маршал Тито“ во Кочани, полициски службеници од ОВР Кочани го лишија од слобода Д.Т.(28) од село Спанчево, кочанско.

-При контрола во патниот сообраќај, полициските службеници сопреле патничко возило „пасат“ со кочански регистарски ознаки, кое го управувал, и по преземени мерки било констатирано дека е под дејство на алкохол, односно дека има 2,25 промили алкохол во крвта, по што веднаш бил исклучен од сообраќај и задржан во полициска станица, се вели во соопштението од СВР Штип.

Во него се наведува дека по целосно документирање на настанот, против него ќе биде поднесена пријава по член 297- а од Кривичниот законик - „безобѕирно управување со моторно возило“.