Волонтерите на дебарскиот Црвен крст активни на терен
Волонтерите на дебарската организација на Црвениот крст и во овие моменти на кризна состојба, што во петокот беше прогласена во општините Дебар и Центар Жупа, им овозможија помош на лицата кои имаат потреба од храна, лекови и облека.
– Досега активна е една група од шест волонтери, која во изминатите денови доставија храна, лекови и облека во селата Гари и Лазарополе, во подрачјето на Мала Река, потоа во селото Мелничани,како и четворица возачи, кои со товарани возила останаа заглавени кај Бошков Мост. По потреба ќе активираме и други групи, вели Исни Телќиу, секретар на организацијата.
Додава дека станува збор за по еден возач од Скопје, од селото Скудриње, општина Маврово и Ростуше, како и од Србија и од Бугарија.
По барањето упатено до Оперативниот штаб на Дебар, посочува Телќиу, волонтерите доставиле облека за 81 лице кои останаа заглавени во Дебар, а сега се сместени во хотелите на „Дебарски Бањи-Цапа“.
-Главно се лица од подрачјето на Река, кои работат во Дебар или на денот на прогласувањето на кризната состојба биле во Дебар на шопинг или по лекови. Исто така има и лица од други градови од нашата држава, нагласуваТелќиу.
Во Дебар заглавени се 110 лица кои не се дебрани, од нив 21 се странски државјани,од Шведска и од Косово.
Ново на Сител
-
ДИК: Обработени 20,25% од гласовите - Силјановска Давкова 88.209, Пендаровски 42.923
-
ВМРО-ДПМНЕ: Обработени 8% од гласовите - Силјановска Давкова 86.688, Пендаровски 34.450
-
Јанкуловска: За прв пат во историјата Македонија доби жена за Претседател!
-
ВМРО-ДПМНЕ: Обработени 9,61% од гласовите, ВМРО-ДПМНЕ 20.713 - СДСМ 5.857
-
Силјановска Давкова победник кај гласачите од дијаспората
-
ЈО: Изборниот ден генерално помина без поголеми нарушувања и пријави
-
Силјановска Давкова: Очекувам да го зацврстам резултатот
-
Таравари: Има поткуп на гласови од оџи и од функционери на ДУИ