Војник на НАТО убиен при напад во Кабул

Припадник на Мисијата на НАТО во Авганистан загина минатата ноќ при напад на бунтовниицте врз база на специјалните авганистански сили во главниот град на Авганистан, Кабул.

Според авганистанските власти, при нападот биле убени и двајца од напаѓачите.

Нападот врз базата „Кемп Интегрити“, уследи по неколкуте вчерашни самоубиствени бомбашки напади во други делови на Кабул, при што загинаа над 30 лица, а околу 250 беа ранети. Одговорност за овие напади презедоа талибанците.

Засега не е соопштена нациналноста на убиениот припадник на силите НАТО.

Поголемиот број припадници на Мисијата на НАТО сместени во базата „Кемп Интегрити“ се Американци.