Воената лабораторија во Портон Даун ги негираше претпоставките на Русија во врска со случајот Скрипал

Раководството на британската воена лабораторија во Портон Даун негира дека има некаква врска со труењето на поранешниот руски шпион Сергеј Скрипал и неговата ќерка Јулија во градот Солсбери, јави Би- Би- Си.

Ова го изјави Гери Ејткенхед, директор на лабораторијата.

Тој истакна дека претпоставките на Русија оти близината на лабораторијата до местото на инцидентот во Солсбери може да се поврзани на некаков начин се неосновани. Ејткенхед увери дека нема никаков начин нервен агенс, кој се чува во лабораторијата, да биде поврзан со труење на Скрипал и на неговата ќерка.

Директорот на лабораторијата додаде и дека контролата и безбедноста во лабораторијата се на највисоко ниво.